Tue, 22 Oct 2019

Aklanon News: NFA-Aklan haum nga magbakae it paeay sa mga mangunguma

Philippine Information Agency
20 Sep 2019, 22:38 GMT+10

KALIBO, Aklan, Septyembre 20 (PIA6) -- Haum ro National Food Authority (NFA) iya sa probinsya it Aklan sa pagbakae it malimpyo ag mamaea nga paeay nga may 14 porsyento nga "moisture content" halin sa mga mangunguma sa presyo nga P19.00 kada kilo.

Ginhambae man ni NFA-Aklan Provincial Manager Josephine Venus Castillo, sa sangka pagpakig-angot kana it sangka estasyon it radio iya nga gabakae man ro NFA it basa ukon "eabtong" nga paeay nga may 30% nga "moisture content" sa presyo nga P14.00 kada kilo sa mga mgangunguma.

Pwede man makabaligya ro sangka mangunguma it paeay hasta sa 200 nga sako.

Pwede madaea it mga mangunguma ro andang paeay it direkta sa NFA SA Linabuan Sur, Banga, Aklan, ukon pwede man nga ro NFA ro mag-adto mismo sa lugar it mga mangunguma basta magpahisayud eagi sanda ag magdaea it sample it andang paeay nga ginabaligya.

Tuyo it pagpamakae it paeay it NFA nga hipanaba ro pagbaligya it bugas ag agud ma mentenar man ro andang pagpamakae.

Samtang, nagpasalig si Castillo sa mga Akeanon nga may nagakaigu nga stock it imported nga bugas ro NFA nga ginabaligya it P27.00 kada kilo.

May una man nga tinipon nga paeay nga iya mismo ginbakae sa Aklan nga haum man agud ipagaling.

Ginhambae nana nga ro imported nga bugas sa NFA hay euwas kaonon, nga ro mga stock kara hay gina target nga maubos sa Oktubre 10, ag raya hay pagabuslan man it iya eon halin sa Aklan nga bugas. (JBG/VGV/PIA6 Aklan)

More Afghanistan News

Access More

Sign up for Afghanistan News

a daily newsletter full of things to discuss over drinks.and the great thing is that it's on the house!